Үе мөчний мэс заслын эмч нар үнэ төлбөргүйгээр үзлэг, оношилгоо хийлээ. Нийт 400 гаруй хүнд үзлэг хийж, зөвлөгөө өгснөөс хамгийн балчир нь 10 сартай хүүхэд, хамгийн ахмад нь 83 настай ахмад байжээ. 105 хүний үений рентген зураг авч, 8 хүнд MRI оношилгоо хийж, 5 хүнд үений тариан эмчилгээ, 1 ахмадыг хэвтүүлэн эмчилгээнд хамруулсан байна.
Тус үзлэгийг Улсын нэгдүгээр төв эмнэлгийн Дэмжих төвийн хамт олон, Гэмтэл согог судлалын үндэсний төв болон “Монголын гэмтэл, согогийн эмч мэргэжилтний холбоо”-ны үе мөчний гэмтлийн мэс заслын 20-иод эмч, ажилчид хамтран гүйцэтгэсэн байна.
