Соёл, урлагийн их сургуулийн тэнхимийн эрхлэгч, Урлагийн гавьяат зүтгэлтэн, Урлаг судлалын ухааны доктор, профессор Найдангийн Ганхуягт Ардын багш цол хүртээв. Соёл, урлагийн салбарт тасралтгүй 40 шахам жил ажиллахдаа салбарын бодлогын шинэчлэлд түүчээлэн оролцож, мэргэжилтэн бэлтгэх, сургалтын заах арга зүйг боловсронгуй болгох, салбарынхаа гадаад харилцааг хөгжүүлэхэд идэвх санаачилгатай ажиллаж, 10 гаруй жүжгийн зохиол, 40 гаруй өгүүлэл, нийтлэл туурвисан, тайз, дэлгэцийн олон арван бүтээл найруулан тавьж, авьяаслаг уран бүтээлчдийг бэлтгэн төрүүлж, ард түмнээ соён гэгээрүүлэх их үйлс болон соёл, урлагийн салбарт оруулсан хувь нэмрийг нь үнэлэн ийнхүү Найдангийн Ганхуягт Ардын багш цол хүртээжээ.
