Грек Улсад зохион байгуулагдсан шатар сонирхогчдын ДАШТ өнөөдөр дүнгээ гаргалаа. Тус тэмцээнд манай улсаас таван тамирчин өрсөлдөв. Тэмцээний 1700 хүртэлх олон улсын чансааны ангилалд сурагчдын дэлхийн аварга, ОУШХ-ны дэд мастер Наранболдын Содбилэгт 1-2 байрыг ижил оноотой хуваан эзэлж, сонирхогчдын ДЭЛХИЙН ДЭД АВАРГА боллоо.
Мөн 1700 хүртэлх ангилалд өрсөлдсөн шатрын зүтгэлтэн Д.Лүндээжанцан 75 шатарчнаас 5 оноогоор 29 дүгээр байр, 2000 хүртэлх ангилалд өрсөлдсөн Б.Тэнүүнболд 54 шатарчдаас 5,5 оноогоор 10 дугаар байр, М.Мандухай 5 оноогоор 17 дугаар байр эзлэв. Харин 2300 хүртэлх ангилалд өрсөлдсөн Б.Халиун 35 шатарчдаас 3,5 оноогоор 29 дүгээр байрыг эзэллээ.
