“Авьяаслаг монголчууд” шоуны шилдэг 32-т шалгарсан “Нарны охид” уран нугаралтын хамтлаг өчигдөр III шатны шалгаруулалтдаа муур хатагтай нарын дүрээр оролцсон билээ. Гэсэн хэдий ч тэд үзэгчдийн саналын дутуугаар финалын шатанд шалгарч үлдээгүй юм. Тэгвэл цахим ертөнцөд тус хамтлагийн охидын талаар таагүй мэдээлэл цацагджээ. Учир нь охидын байрлаж басйан газарт тус хамтлагийн гишүүн Сэлэнгээ халуун ус алдаж, асган түлэгдсэн гэнэ. Хэдийгээр эмч нар түүнийг үзүүлбэрт оролцож болохгүй хэмээн хориглосон ч бяцхан оролцогч маань тэвчээр гарган, үзүүлбэрээ амжилттай дуусгаж чаджээ.
Харин “Нарны охид”-ыг үзэгчид болоод шүүгч нар тэнцүүлээгүйд одоо ч олон нийт бухимдлаа илэрхийлсээр байна.
