ДЭМБ-аас коронавирусийн халдвараас сэргийлэхийн тулд гараа сайтар савандаж угаах, халдваргүйжүүлэгч хэрэглэх, амны хаалт зүүх үндсэн зөвлөмж өгч байна.
ЭМЯ-наас нэгдүгээр сарын 6-наас эхлэн эдгээр зөвлөмжийг ард иргэддээ тасралтгүй өгсөөр, иргэд ч хэрэгжүүлж байгаа нь өвчлөлийн байдлаас харагдаж байна хэмээн ЭМЯ-ны Газрын дарга Д.Нарангэрэл мэдээллээ. Тэрбээр, Гахайн хавдар, салхинцэцэг, гар хөл амны өвчин зэрэг агаар дуслын замаар болон бохир гараар дамждаг өвчнүүд өнгөрсөн жилийн мөн үеийнхнээс 1.3-2.9 дахин буурсан үзүүлэлттэй байна. Томуугийн тархалт ч буурсан. Нийслэлийн хэмжээнд өнгөрсөн жилийн өдийд томуугийн халдвартай 600 гаруй хүүхэд хэвтэж байсан бол одоо 280 хүүхэд хэвтэж байна. Ард иргэд ЭМЯ-наас өгч буй мэдээллийг дагаж, цаашид ч хэвшүүлсэл COVID-19 халдвар төдийгүй амьсгалын болон гэдэсний халдварт өвчнөөс ч сэргийлэх боломжтой юм гэв.
