ЕБС-ийн математик, Байгалийн ухааны боловсролын сургалтын хөтөлбөр, сурах бичгийг боловсруулах ажлыг БСУШЯ-ны сайдлын тушаалаар баталгаажуулсан баг боловсруулдаг аж. Тус багт МУБИС, МУБИС-ийн эрдэмтэн багш нар, Боловсролын хүрээлэн, ШУА-ны эрдэмтэд , Боловсролын үнэлгээний төв, Багш нарын мэргэжил дээшлүүлэх инстутийн төлөөлөл болон ЕБС-ийн багш нарын төлөөлөл орсон аж. Өөрөөр хэлбэл турших, санал авах, албан ёсны шинжээчин дүгнэлт, агуулгын болон техникийн редакторын дүгнэлт хийлгэсэний эцэст нь хэвлэдэг юм байна. Гэвч сүүлийн үед олон нийтийн дунд ЕБС-ын сурах бичиг шүүмжлэл дагуулаад байгаа. Тиймээс өнөөдөр МУИС МУБИС-ийн багш нар болон Математик, байгалын ухааны боловсролын сургалтын хөтөлбөрийн багийнхан мэдээлэл хийж, сурах бичгийн талаарх мэдээллийг өглөө. Энэ үеэр Математик, байгалын ухааны боловсролын сургалтын хөтөлбөрийн гишүүн О.Итгэл “Цахим орчин сүнстэй бодлогын талаар нэлээд шүүмжлэлтэй хандаж буй хүмүүс цөөнгүй байна. Үнэндээ энэхүү ном нь “Кенгуру” олон улсын математикийн уралдааны дасгал ажлын ном. 6нэ нь Монгол Улсын боловсролын системд ашиглагдаж буй сурах бичиг биш юм. Энэ тэмцээнийн 3-4 ангийн 22 дугаар бодлого нь сүнстэй бодлого байгаа. Энэ нь зөвхөн зөвхөн тус уралдааны л материал. Сурах бичигтэй ямар ч холбоогүй асуудал юм. Одоогийн байдлаар 64 орны зургаан сая хүүхэд энэ уралдаан оролцдог. Энэ сүнстэй холбоотой хүүхэд айх зэрэг ямар нэгэн асуудал гараагүй гэдгийг олон улсын уралдаан зохион байгуулах холбооны захирал хэлсэн хэмээн хэлж байсан юм” гэлээ.
“Сүнстэй бодлого”-ын учир тайлагдлаа
2016-03-17 15:55:00