Өчигдөр буюу долдугаар сарын 18-ны өдөр Хэнтий аймгийн Цэнхэрмандал сумын нутаг дэвсгэрт зам тээврийн ноцтой осол гарчээ.
Тодруулбал, Сүхбаатар аймгийн Баруун-Урт сумаас Улаанбаатар хотын чиглэлд дөрвөн зорчигчтой зорчиж явсан “Латио” загварын суудлын автомашин, Улаанбаатар хотоос Сүхбаатар аймгийн Баруун-Урт сумын чиглэлд дөрвөн зорчигчтой зорчиж явсан “Ланд крузер-200” загварын суудлын автомашинтай мөргөлджээ.
Ослын улмаас иргэн М /55 настай, эрэгтэй/, Б /42 настай, эрэгтэй/, С /32 настай, эмэгтэй/, А /4 настай, эмэгтэй/ нарын 4 гэмтсэн байсан тул Багануур дүүргийн Нэгдсэн эмнэлэгт хүргэсэн бөгөөд Ц /45 настай, эрэгтэй/, Т /45 настай, эмэгтэй/, Б /26 настай, эрэгтэй/, Б /10 настай, эрэгтэй/ нарын 4 хүн ослын улмаас амь насаа алджээ.
Хэргийг цагдаагийн байгууллага үргэлжүүлэн шалгаж байна.