Урлагт сэтгэл зүрхээ зориулсан залуу, үзэсгэлэнт бүсгүйчүүдийн нэг Насааг нэг үе Зууны манлай Б.Сараагийн ганцхан шавь нь гэдгээр хүмүүс мэддэг болсон бол одоо уран бүтээлээр нь аль хэдийн мэдэх болжээ. Түүний хувийн амьдрал адармаатай эхэлсэн ч сэтгэлээ хатамжлан, эхлүүлсэн ажил, эзэмшсэн мэргэжилдээ тууштай байгаа түүнийг охинтой нь хайрлах нэгэн ханхүү тодорсон аж. Дөнгөж саяхан олны хүртээл болоод байгаа "Үүрд хайрлаарай" уран бүтээлийн гол дүр О.Хэрлэнбаярыг охид бүсгүйчүүдийг андахгүй мэдэх байх. Насаагийн хайрыг татсан О.Хэрлэнбаяр бүжигчин мэргэжилтэй ч "Монгол модель" агентлагт загвар өмсөж, хоббидоо хөтлөгдөн тууштай байснаар "Гоёл" наадмын энэ жилийн топ болоод авсан.
Хайр сэтгэлийн романс үүсгэсэн хосуудад уран бүтээлээс гадна амьдрал ахуйгаа төвхнүүлэх том ажил байгаа гэнэ. Насаагийн хөөрхөн охинтой гурвуулаа зургаа татауулсан нь зүгээр нэг тохиолдол байгаагүй гэнэлээ.
Бас нэгэн мэдээлэл хүргэхэд Насаагийн хайрт залуу Хэрлэнбаяр ихэр бөгөөд тэр нь Насаатай үе чацуутан бүсгүй байдаг аж. Юутай ч уран бүтээлээрээ танилцаж, урт амьдралын замаа холбохоор шийдсэн залуусдаа аз жаргал хүсье.
