Японы мэргэжлийн сумо бөхийн 41 дэх аварга М.Даваажаргал Монгол Улсын иргэншлээс татгалзах хүсэлтээ хүргүүлсэн талаар мэдээлэл өнгөрсөн долоо хоногт гарч эхэлсэн. Их аварга Хакухо М.Даваажаргал Японы иргэн болсноор өөрийн нэрээр дэвжээ байгуулж, Сумогийн холбоонд ажиллах эрх нь нээгдэх юм. Мөн 2020 оны Токиогийн олимпийг нээхийн тулд ийм шийдвэр гаргасан, японы талаас иргэншлээсээ татгалзах “шахалт үзүүлсэн” гэх таамаглал явж байна.
Харин энэ талаар Хакухо Даваажаргал сэтгүүлч нарт мэдээлэл өгөхдөө, “Нарийн зүйлсийн талаар ярихад эрт байна, бичиг баримтын ажил хэзээ дуусахыг хүлээж байна” гэж хэлсэн байна.
