Үндсэн хуулийн өдөрт зориулсан хүчит 256 бөхийн барилдаан өчигдөр /2019.01.13/ “Буянт-Ухаа” цогцолборт болж, Улсын харцага О.Хангай түрүүлсэн. Тус барилдааны үеэр Улсын аварга Н.Батсуурь, Аймгийн арслан Б.Лхагвадоржтой оноолт таарч, түүнийг ар дагзаар нь хүчтэй унасан нь цахим орчинд цацагдаж, олны дургүйцлыг хүргэж маргаан өрнүүлсэн үйл явдал болсон. Энэ талаар Улсын аварга Н.Батсуурь тайлбар өгсөн байна. Н.Батсуурь аварга "Барилдааны явц, давахад л тийм зүйл болсон. Би санаатай тийм зүйл хийгээгүй. Дүү хүү унахдаа биеэ хэт сулласан юм билээ. Дараа нь зүгээр босоод тахимаа өгсөн. Барилдааны үйл явц, хөндлөнгөөс харах хоёр чинь тэс өөр зүйл. Аархсан, илүүрхсэн зүйл байхгүй. Зөөлөн унагасан" гэсэн тайлбар өгсөн байна.
Н.Батсуурь: Аархсан, илүүрхсэн зүйл байхгүй. Зөөлөн унагасан
2019-01-14 13:20:45