Хэдхэн хоногийн дараа Олон улсын эмэгтэйчүүдийн эрхийг хамгаалах өдөр буюу та бидний тэмдэглэж заншсанаар эмэгтэйчүүдийн баяр болно. Жилээс жилд хүрээгээ тэлсээр байгаа бүсгүйчүүдийн баяр энэ жил ч өргөн дэлгэр болох бололтой. Учир нь ямар нэг баярыг урлагийн тоглолтгүйгээр төсөөлөшгүй. Тэгвэл залуустаа дуулгах сайхан мэдээ байна. Take off хамтлагийн залуус гурав дугаар сарын 8 нд Crocus event hall-д 19 цагаас өөрсдийн бие даасан “Зүрхний” тоглолтоо хийх гэж байна.
Хамтлагийн залуус тоглолтынхоо постер зургийг доогуураа дотуур өмднүүдтэйгээ авхуулжээ. Энэхүү тоглолтын постер зургийг тэдний фенүүд ихэд тааламжтай хүлээж авч байгаа сурагтай. Яагаад ингэж авхуулж болохгүй гэж, энэ хэв маяг дэлхийн аль ч улс орны урлаг соёлынхон дунд түгээмэл байдаг зургийн нэг төрөл гэж ярих фенүүд байхад, зарим нь бүр жинхнээсээ нүцгэн авхуулж сенсаци дэгдээхгүй яасын бол гэх фен ч байна гэнэ. Үүнээс харахад Монголын маань залуус дэлхийн аль ч улс орны урлаг, соёл, спортын салбартай хөл зэрэгцэн алхдаг нь харагдаж байна. ингээд бид тоглолтын мэдээллийг авсанаа уншигч танд хүргэж байна. “Зүрхний” тоглолтын үнэ 2 янз байгаа бөгөөд Crocus event hall-д Зогсоо тасалбар 30.000 төгрөг бол VIP суудал 100.000 төгрөгний үнэтэй худалдаанд гарсан байна. Мөн тасалбарыг 1900-1109 лавлах үнэ төлбөргүй таны хүссэн газарт хүргэж өгөх юм байна. Тоглолтыг үзэхээр очих гэж буй тасалбар худалдаж авсан хүн бүр тэр өдөр улаан өнгө орсон хувцас өмсөж ирэхийг уриалж мөн тэр өдөр ирсэн хамгийн гоё улаан даашинзтай бүсгүйг шалгаруулан хамгийн том сюрпризийг барих гэнэ.Тоглолт урд урдны тоглолтуудаас илүү олон улсын эмэгтэйчүүдийн баярын өдөр тохиож байгаа учир ирсэн зочдод гэнэтийн бэлгийг тэр дундаа бүсгүйчүүддээ барихаар бэлдсэн байна. 2016 оны 3 дугаар сар 8 нд Crocus event hall-д 19 цагаас “TAKE Off ЗҮРХНИЙ” тоглолтон дээр уулзацгаая.
