Гурван сарын турш үргэлжилсэн "Авьяаслаг Монголчууд-3" шоуны эцсийн шатны шалгаруулалт өчигдөр өндөрлөж, ялагчаар илбэчин С.Билэгт тодорлоо. Үзэгчдээс хамгийн олон санал авсан тэрбээр ийнхүү 100 сая төгрөгийн эзэн боллоо.
С.Билэгт "Хамгийн түрүүнд намайг төрүүлж өсгөсөн аав ээждээ, маш их баярлалаа. Та хоёртоо хайртай шүү. Хүү нь чадлаа. Сэтгэл сайхан байна. Хожсон мөнгөө сайн үйл хийхэд зарцуулах болно. Тэгэхдээ бүгдийг нь ил тод хийх болно. Намайг дэмжсэн бүх монголчууддаа баярлалаа. Дэлхийн хүн болж өөрийгөө харуулах болно" хэмээн сэтгэгдлээ хуваалцсан юм.
Тус шоуны хоёрдугаар байранд Буриад улсаас ирж оролцсон циркийн жүжигчин Дулма, Паша нар орсон юм.