“Боловсрол” телевизийн “Mongolian next top model” нэвтрүүлэг хоёр дахь жилдээ үзэгчдийн хүртээл болж байгаа. Энэ жилийн нэвтрүүлгийн оролцогч Ч.Чамин-Эрдэнэ өнгөрсөн сарын 14-нд гэрийнхээ ойролцоо амиа алдсан харамсалтай хэрэг гарсан тул нэвтрүүлэг нь түр завсарлаад байсан юм. Тэгвэл, хэсэг хугацаанд завсарлаад байсан тус нэвтрүүлгийн шинэхэн дугаарууд ирэх арванхоёрдугаар сараас дэлгэцнээ гарч эхлэх талаар албан ёсны эх сурвалжууд мэдээллээ.Нэвтрүүлгийн шинэ дугаар шоуны шилдгээр шалгарч үлдсэн 12 оролцогчийн гадаадад очиж зураг авалт хийсэн аяллын сонин хачинаар үргэлжлэн хүрэх юм байна.
