"Яг түүн шиг-3" шоуны дөрөв дэх дугаар ширүүхэн өрсөлдөөн дунд болж, дуучин Г.Сүндэрмаа түрүүллээ. Тодруулбал, Яг түүн шиг шоуны түүхэнд байгаагүй тэнцэл буюу энэ дугаарт шүүгч, оролцогч нарын нийлбэр оноогоор Б.Нацагдорж, Ц.Тэмүүлэн, Г.Сүндэрмаа нар 34 оноогоор тэнцэн шүүгч нар дахин нэг минут хуралдлаа. Ингээд тус дугаарын ширүүн өрсөлдөөнөөс Г.Сүндэрмаа ялалт байгуулан гурван сая төгрөгийн эзэн боллоо.
Шүүгч Г.ганхүү энэ дугаарын шүүлтийн тухай "Та бүхний өрсөлдөөн чангарч байгаа нь энэхүү онооны тэнцлээс харагдаж байгаа болов уу. ямар азаар гурван шүүгч байдаг юм. Бид хуралдаад энэ дугаарын ялагчаар Г.Сүндэрмааг тодрууллаа" хэмээн зарласан юм.
