“Хамаг Монгол” студи, бөхийн “Жавхлант” дэвжээ хамтран МҮБХ-ны албан ёсны зөвшөөрөлтэйгээр Монгол туургатны бөхийн барилдааныг 2018 оны 6-р сарын 02-ны өдөр Төв цэнгэлдэх хүрээлэнд зохион байгуулна.
Монгол үндэсний бөх, үзэмчин бөх, буриад бөхийн барилдаан тус бүрийн түрүү бөх гурван сая төгрөгийн бай гардаж, азтай 1 үзэгч шалгаруулан “PRIUS-30” автомашин бэлэглэнэ.
ЗОХИОН БАЙГУУЛАГЧ: “ХАМАГ МОНГОЛ” СТУДИ, “ЖАВХЛАНТ” ДЭВЖЭЭ
Лавлах утас:99188612
МОНГОЛ ТУУРГАТНЫ БАРИЛДААНЫ ЖУРАМ
- Бөхчүүдээ олноор хамруулахын тулд 1 бөх нэг төрлийн барилдаанд барилдана.
- Буриад 128 бөхийн барилдаан сугалаагаар явагдах бөгөөд зочин 40 бөх шууд оролцоно. Манай бөхчүүдээс 88 бөх орж барилдана.
-Үзэмчин 128 бөхийн барилдаан сугалаагаар барилдах ба зочин 40 бөх шууд оролцоно. Манайхаас улс, аймгийн алдар цолтой 88 бөх оролцоно.
- Монгол үндэсний бөхийн барилдаанд улс аймгийн алдар цолтой 96 бөх барилдана. Зочин 32 бөх хоорондоо барилдана. Зочин бөхчүүдээс 4 давж түрүү үзүүрт шалгарсан 2 бөх, манай 96 бөхөөс шөвгийн 3-т шалгарсан 3 бөхтэй тойргоор барилдаж, 1-5-р байр эзэлнэ.
-Барилдах бөхчүүдийг 2018 оны 6-р сарын 02-ны өдрийн 11 цагт Төв цэнгэлдэхэд бүртгэнэ.
-Бүртгүүлэхээр ирсэн дарааллаар аль барилдаанд барилдахыг сугалуулна. Цагаан өнгийн бөмбөг сугалвал буриад бөхөөр, хөх бөмбөг сугалвал монгол үндэсний бөхөөр, улаан бөмбөг сугалвал үзэмчин бөхөөр барилдана.
- Гурван төрлийн бөхийн барилдааны бай шагнал адил байна.
-Монгол үндэсний бөхийн барилдаанд туршилтаар барьц сонгохгүй барилдана.
