Монгол түмний уламжлалт цагаан сарын баярыг тохиолдуулан “Монголчуудын уламжлалт сав суулга” үзэсгэлэн Монголын Үндэсний музейд нээлтээ хийлээ. Үзэсгэлэнд Түрэгийн үеийн алт, мөнгөн тахилын сав суулга, Богд хааны хэрэглэж байсан гоёмсог хийцтэй луун бариултай хос домбо гэх мэт хосгүй үнэт үзмэрүүдийг дээжлэн үзүүлж байна. Ирэх гуравдугаар сарын 14-ний өдөр хүртэл үргэлжлэх уг үзэсгэлэнг иргэд үнэ төлбөргүй үзэх боломжтой ажээ.
