Монгол Улсын төрийн шагналт яруу найрагч, төр нийгмийн зүтгэлтэн Очирбатын Дашбалбарын уран бүтээл, үзэл санаа, туурвилзүйн онцлог, сэтгэлгээний талаар зохиолч П.Батхуягийн бичсэн шинэхэн бүтээл олны хүртээл болоход бэлэн болжээ. Зохиолч П. Батхуягийн "Очирбатын Дашбалбар” номын нээлт энэ сарын 10-ны өдөр болох юм байна. Энэхүү өдрийг тодотгосон нь их яруу найрагчийн төрсөн өдөр аж. Энэхүү номонд зохиолч П.Батхуягийн 1999 оноос хойш яруу найрагчийн талаар бичсэн эсээ тэмдэглэл, шинжлэлт эсээ, хөрөг дурсамжийн бүтээлүүд багтжээ.
