8o
Улаанбаатар хот
mobile menu

Үнэт цаасны компаниудын хувь нийлүүлсэн хөрөнгийн хэмжээг нэмэгдүүлэлээ

2018-01-12 16:36:01

Санхүүгийн зохицуулах хороо банкнаас бусад санхүүгийн зах зээлд үйл ажиллагаа эрхлэгч байгууллагуудын чадавхыг нэмэгдүүлж, өрсөлдөх чадварыг сайжруулах бодлого хэрэгжүүлж буй. Энэ хүрээнд бүтэц, зохион байгуулалт, хөрөнгө сангаа өөрчлөх, нэмэгдүүлэх чиглэлээр аж ахуйн нэгжүүдээс тавьж байгаа санал, хүсэлтийг цаг алдахгүй, шуурхай хянан шийдвэрлэхэд онцгойлон анхаарч байна. Тиймээс энэ төрлийн санал, хүсэлтийг аль болох цөөн дамжлагаар хянаж, Хорооны даргын тушаалаар баталж байна.

Өнгөрөгч сард буюу 2017 оны 12 дугаар сард Хорооны дарга С.Даваасүрэн тушаал гаргаж, үнэт цаасны дөрвөн компанийн хувь нийлүүлсэн хөрөнгийн хэмжээг нэмэгдүүлэн шийдвэрлэлээ. Эдгээр компаниудын хоёр нь брокер, дилерийн, хоёр нь хөрөнгө оруулалтын менежментийн чиглэлээр үйл ажиллагаа явуулж буй юм.

Өнгөрсөн оны жилийн эцсийн байдлаар үнэт цаасны зах зээлд Хорооноос олгосон тусгай зөвшөөрлийн хүрээнд брокер, дилерийн үйл ажиллагаа эрхлэх 50, давхардсан тоогоор андеррайтерийн үйл ажиллагаа эрхлэх 22, хөрөнгө оруулалтын зөвлөх 14, хөрөнгө оруулалтын менежментийн 17 компани ажиллаж байна.

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.chuhal.mn хариуцлага хүлээхгүй.
Нийт сэтгэгдэл
гг
ноогдол ашгийг 5 төгрөг гэх мэтээр эсвэл ноогдол ашиг огт өгөхгүй болгоод байгаа нь хөрөнгийн биржийг татан буулгах хэрэгтэй харуулж байна
2018/01/19 202.21.103.46
  • Recent
  • Most Read
  • Most Comment