МУГЖ С.Жавхлан, Т.Баясгалан нар дахин хамтарч уран бүтээл хийхээр болжээ

Оюутны ширээнээс хөтлөлцөн их урлагт хөл тавьсан МУГЖ С.Жавхлан, Т.Баясгалан нар хэн бүхний амны уншлага аятай л хамтдаа дуудагдаж, хамтдаа яриулж явсан үе саяхан шиг. “Хонгорхон үр минь”, Насны хань” зэрэг дуунуудаараа ард түмнийхээ талархлыг хүртэж байсан тэд нэг л өдөр бие бие рүүгээ үг чулуудаж, зөвхөн дуунууд нь л эгшиглэх болсон билээ. Тэд өнөөдөр тус тусын амьдралтай. Сайхан гэр бүлтэй болцгоосон. Гэвч тэднийг хэзээ нэгэн цагт хамтран дуулахыг ард түмэн хүлээсээр. Тэгвэл ард түмний хүсэл тун удахгүй биелэх нь. МУГЖ С.Жавхлан, Т.Баясгалан нар дахин хамтрахаар болжээ. Тэд тун удахгүй болох сар шинийн баяраар үзэгчдэдээ гэнэтийн бэлэг барих гэж байна.