Багш нарын цалинг нэмэгдүүлэх түр хорооныхон багш ажилчид ажил хаялт зарлахаар болсон талаар өчигдөр мэдээлэл хийсэн билээ. Засгийн газар багш нарын шаардлагад хариу ирүүлээгүй тул тэмцлийн дараагийн хэлбэрт шилжиж, сургуулийн өмнөх боловсрол буюу цэцэрлэг, ерөнхий боловсролын сургуулийн багш нар, МСҮТ-ийн багш, ажилчид энэ сарын 21, 26-нд орон даяар ажил хаялт зарлахаар болоод байгаа. Тэгвэл багш нарын шаардлагад Засгийн газраас өнөөдөр хариу илгээсэн байна. Албан бичигт багш нарын цалинг 2018 оны нэгдүгээр сарын 1-нээс 30-аас доошгүй хувь нэмэгдүүлэхээр ажиллаж байгаа тухай дурджээ.
Гэсэн хэдий ч багш нар маргааш ажил хаят зарлана. Багш нарын цалинг 1,6 сая төгрөг болготол тэмцэлээ үргэлжлүүлнэ гэсэн байна.