БНХАУ-ын Шиамень хотод болж буй 3х3 сагсан бөмбөгийн дэлхийн оюутны лигт Монгол Улсын баг АЛТАН медаль хүртлээ. Ингэснээр Монголын багийн спортын түүхэн дэх анхны Дэлхийн аварга баг болж байна.Тэмцээний албан ёсны нэр нь 3x3 FISU World Universiy League-2017 Final ба 2017 онд зохион байгуулагдсан тивийн аваргууд, тэмцээнүүдээс шалгарсан шилдэг багуудын тулаан юм.
Манай баг өнгөрөгч дөрөвдүгээр сард Малайзад Азийн оюутны аваргад алтан медаль авснаар энэхүү тэмцээнийг зорих эрхтэй болсон. Алтан медаль хүртсэн тамирчид өнөөдөр өглөө эх орондоо ирлээ.
