Яаралтай түргэн тусламжийн төвийнхөн анх удаа хил дамнаж, алсын дуудлагад явжээ. Тодруулбал, “103” төвийн их эмч Б.Тэгшжаргал, жолооч Ж.Золжаргал нар Бээжин хотод хагалгаа хийлгэж, биеийн байдал нь хүндэрсэн байсан өвчтөнийг эх оронд нь авч ирсэн байна.
Өвчтөн тархины хорт хавдартай байсан бөгөөд энэ сарын 6-аас 7-нд шилжих шөнө ухаангүй байхад нь эсэн мэнд авч иржээ. Ийн яаралтай түргэн тусламжийн эмч ээжтэйгээ уулзах хүсэлтэй өвчтөний эцсийн хүслийг нь биелүүлсэн байна. Харин тэд энэ талаараа харъяа яамандаа мэдээлэл хийжээ.
