Дэлхийн бөхийн холбооноос (UWW) гайхалтай мэхний торгон агшныг харуулсан гэрэл зургуудыг шалгаруулдаг уламжлалтай. Тус холбооноос 2016 оны 10 шилдэг зургийн дэд байрт ОУХМ Түмэнбилэгийн Түвшинтулгын мэхийг онцолсон байна. Тодруулбал, түүний 2016 оны Лос-Анжелесын Дэлхийн цомын аварга шалгаруулах тэмцээний үеэр Гүржийн бөх Бека Ломтазег гайхалтай мэхээр ялсан билээ. Чөлөөт бөхийн оюутны дэлхийн аварга, ОУХМ Т.Түвшинтулга ялалтын агшны гэрэл зураг, барилдааны бичлэг тус холбооны архивт түүх болон хадгалагдах ажээ.
