Олон улсын жүдо бөхийн холбоо (IJF)-ноос 2016 оны шилдэг эрэгтэй, эмэгтэй жүдочид нэр дэвшигчдийг зарлажээ. Шилдэг жүдочийг шалгаруулах онлайн санал асуулга өчигдөр эхэлсэн байна. "Рио-2016" олимпийн хүрэл медальт, Казахстан улсын гавьяат тамирчин Галбадрахын Отгонцэцэг дэлхийн шилдэг эмэгтэй жүдочид нэр дэвшиж байгаа юм байна.
Тэрбээр энэ онд олимп, Их дуулга, Азийн АШТ тэргүүтэй олон улсын 11 тэмцээнд зодоглож, таван алт, хоёр мөнгө, гурван хүрэл медаль хүртжээ. Дэлхийн шилдэг эмэгтэй жүдочид "Рио-2016" олимпийн аварга К.Харрисон, Т.Трстеняк, Харуко Тачимото, Р.Силва, П.Парето, Э.Андеол, М.Келменди, мөнгөн медальт И.Ортиз зэрэг дэлхийн шилдгүүд өрсөлдөж байна.
