Дэлхийн дээд зэрэглэлийн клубуудын стандартаар Монголд анх удаа байгуулагдаж буй "Castle" клубын нээлтэнд зориулж нэгэн үеийн долоон хамтлагийн хамтарсан "Мартагдашгүй" тоглолт өнөөдөр тоглогдохоор зарлагдсан байсан ч хойшлогдож ирэх долоо хоногийн пүрэв гаригт буюу 24-ны өдрийн 21:00 цагаас тоглохоор боллоо.
Учир нь "Castle" клуб нь Германы “MADRIX”-ийн гэрэл, Америкийн “CAF”-ын хөгжим зэрэг дэлхийн алдартай брендүүдийн техник тоног төхөөрөмжөөр тоноглогдсон бөгөөд түүнийг нь ажиллуулахаар хүрэлцэн ирэх байсан Германы инженер техникийн 4 хүний бүрэлдэхүүнтэй багийнхан нислэг нь хойшлогдсон байна. Иймд тоглолтын зохион байгуулагчид болон уран бүтээлчдийн зүгээс та бүхэндээ төлөвлөж байснаараа гайхалтай тоглолтыг чанартайгаар хүргэх үүднээс ийнхүү шийдвэрлэжээ.
