Төрийн ордны дэргэдэх хэвлэх үйлдвэрийн барилгыг газартай нь дуудлага худалдаанд оруулж Абдул Карим гэх Монгол Улсын харьяат нэгэн авахаар болсон ч тэрбээр хэвлэх үйлдвэрийн барилгаас татгалзсан билээ. Абдул Карим уг хүсэлтийг гаргаснаас түүний дараа өндөр үнэ буюу 23 тэрбум 850 сая төгрөгийн үнэ хэлсэн “Таван богд” группын захирал Ц.Баатарсайханд эрх нь шилжих боломжтой болсон юм. Өнөөдөр НӨХГ-аас “Таван богд” группээс албан ёсны хариу авах хугацаа дуусч байна. Энэ талаар тус группээс тодруулахад “Манайх авахаас өөр аргагүй боллоо. Угаасаа хэвлэх үйлдвэрийн барилгын ард болон хажууд нь манай эзэмшлийн барилгууд байгаа. Бид тэр газрыг аваад хуучин барилгыг нь сэргээн засварлаж яг хуучинтай нь адилхан барилга барина” гэсэн байна.
