Дуучин Майкл Бубле түүний гэргий Луисана Лопилато нар өөрийн цахим сүлжээгээр шүтэн бишрэгчиддээ хандан нэгэн мэдэгдлийг хийлээ.Тэдний том хүү гурван настай Ноа хүү хорт хавдартай болсон бөгөөд АНУ-д эмчлүүлж байгаа аж.Бидний амьдралд маш том даваа гарч ирлээ. Бид энэ том давааг гэр бүл, найз нөхөд болон дэлхийн өнцөг булан бүрт байгаа шүтэн бишрэгчдийнхээ дэмжлэгээр давж гарах болно. Та бүхнээс хүсэх цорын ганц зүйл бол хүүгийн минь төлөө залбирч, гэр бүлийн минь хувийн асуудлыг хүндэтгэн үзээрэй гэж хүсч байна хэмээн 41 настай дуучин бичжээ.
