Н.Айшолпаны тухай баримтат кино Оскарт нэр дэвшинэ

Баян-Өлгий аймгийн бүргэдчин охин Н.Айшолпан охины тухай “The Eagle Huntress” кино Олон улсын Хэмптонсын кино наадамд түрүүлсэн тухай мэдээлэл цацагдаж эхэллээ. Тус наадамд түрүүлснээр “Бүргэдчин охин” кино Оскарын шилдэг гадаад киноны төрөлд нэр дэвших боломжтой болсон аж. Мөн үүнээс гадна АНУ-ын “Harper's Bazaar” сэтгүүлээс гаргасан 2016 оны эрэлхэг эмэгтэйчүүдийн нэгээр Н.Айшолпан охин тодорчээ. Уг жагсаалтад анх удаа монгол хүн багтаж байгаа нь энэ юм.