Үндсэн хуулийн цэц “Иргэний хууль болон Үл хөдлөх эд хөрөнгийн барьцааны тухай хуулийн холбогдох заалт Үндсэн хуульд заасан өмчлөгчийн эрхийг зөрчсөн эсэх тухай маргааныг хянан шийдвэрлээд тулгуур хуулийг зөрчсөн” дүгнэлт гаргасантай холбоотойгоор орон сууцны 8 хувийн зээл зогсох нь хэмээн нэлээд шуугиж байна. Монголын банкны холбооноос Үндсэн хуулийн Цэцийн шийдвэрээс үүдэн 8 хувийн зээлээ зогсоож байгаагаа мэдэгдсэн. Харин МАН-ынхан энэ асуудлаар өчигдөр мэдээлэл хийсэн. . Тэд “Цэц банкны зээлийн хүү хэд байхыг хэлэлцэж шийддэг газар биш. Хэрвээ Цэц зээлийн хүүг шийддэг газар юм бол одоо бүгдээрээ нийлж байгаад орон сууцны зээл хүүгүй байна гээд хандъя л даа. 8 хувийн зээлийн орон сууцны хөтөлбөр нь Монгол Улсын Засгийн газар ба Монголбанк хамтран хэрэгжүүлж буй Засгийн газрын хөтөлбөр. Хөтөлбөрийг хэрэгжүүлэгч нь Засгийн газар, Монголбанк” гэж мэдэгдээд Монголын эдийн засаг дампуурах нь манайд хамаагүй гэсэн утга бүхий зүйл ярьж байна. Өнөөдөр Үндсэн хуулийн цэцээс мэдээлэл хийхдээ бас бидэнд хамаагүй гэсэн хариултыг өглөө. Үндсэн хуулиар тогтоосон өмчлөгчийн язгуур эрхийг дордуулсан байсныг хүчингүй болгосон юм” хэмээн тайлбар хийлээ.
