Сангийн яамнаас нийт хүүхдийн 60 хувьд бэлнээр олгох 20 мянган төгрөгийг өчигдөр шилжүүлж эхэлсэн. Гэхдээ хүүхдүүдийн дансанд гурван сарын 60 мянган төгрөг бус нэг сарын 20 мянган төгрөг л орсон тухай иргэд мэдээлж байна. Энэ талаар албаны хүнээс тодруулахад "Долоо, найм, есдүгээр сарын хүүхдийн мөнгийг олгож эхэлж байна. Энэ сарын 04-ний өдрийн байдлаар долдугаар сарын хүүхдийн мөнгөний санхүүжилт өчигдөр оройноос банкуудаар дамжин хүүхдийн дансанд орж байгаа. Энэ долоо хоногтоо багтан найм, есдүгээр сарын мөнгө орж дуусна" гэжээ.
