Ирэх аравдугаар сарын 17-23-ны өдрүүдэд Улаанбаатар хотноо “Чингис хаан-Улаанбаатар цом” боксын олон улсын нээлттэй тэмцээн зохиогдох гэж байна. Анх 2000 онд “Улаанбаатар цом” олон улсын тэмцээн болсноос хойш 15 жил завсарлаад байсан тус тэмцээнийг зохион байгуулагчид энэ удаагийн тэмцээнд ихээхэн ач холбогдол өгч бэлтгэл ажлаа базааж байгаа аж. Урьдчилсан байдлаар ОХУ, Казахстан, Узбекистан, БНХАУ, Нигери зэрэг орны баг тамирчид оролцохоо мэдэгджээ.
