Энэ амралтын өдөр нэгэн сонирхолтой парад болох гэж байна. Тодруулбал энэ сарын 10-ны өдөр буюу өнөөдөр хуучин ховор машины парадыг автомашин сонирхогчид зохион байгуулахаар болсон байна. Парад гурвалжингийн гүүрнээс Баруун 4 зам, Тэнгис кино театр, Үндэсний соёл амралтын хүрээлэн гэсэн чиглэлд явах аж. Парадад төдийлөн замын хөдөлгөөнд оролцдоггүй ч тухайн цаг үедээ гангараа болж байсан ховор сонин машинууд оролцох бөгөөд хуучны ховор автомашинуудыг нэг дороос үзэж сонирхох боломжтой юм. Парадад оролцох сонирхолтой, хуучны ховор машинтай жолооч нарт ч парадад оролцох боломж нээлттэй байна.
