“Рио-2016” олимпийн наадмын чөлөөт бөхийн эрэгтэйчүүдийн 65 кг жинд зодоглосон ДАШТ-ий хошой хүрэл медальт, гавьяат тамирчин Г.Мандахнарангийн олимпийн хүрэл медалийн төлөөх барилдаанд ялагдсан билээ. Иймд Монголын чөлөөт бөхийн мастеруудын холбооны гишүүн болон сайхан сэтгэлтэй хүмүүс түүнд шижир алтаар цутгасан медаль бэлэглэхээр босон юм. Медалийг нь энэ сарын 29-ний өдөр буюу ирэх даваа гаригт Спортын төв ордны өмнө гардуулж өгөх юм байна.
