Бразилийн Рио-де-Жанейро хотноо болж буй Зуны Олимпийн XXXI наадам ес дэх өдөр боксын медалийн төлөөх тулаанд ОУХМ Д.Отгондалай хүрэл медалийн болзол хангасан билээ. Энэ өдөр манай боксын тамирчдын хувьд хариуцлагатай тулааныг хийсэн.
Д.Отгондалай эхний тойрогт хийлж, Нидерландын боксчин Энрико Лакрусаг хожин шөвгийн наймд үлдээд байсан. Харин хүрэл медалийн төлөө хариуцлагатай тулаанд Алжирын боксчин Реда Бенбазизийг хожиж, медалийн өнгөө хувиргах тоглолтод Францын тамирчинд ялагдсан билээ.Гурван үеийн турш тун сонирхолтой тулаан хийсний эцэст улаан булангаас гарч тулалдсан манай боксчин Д.Отгондалай шүүгчдийн саналаар ялагдлаа. Ингэснээр манай тамирчин олимпийн наадмын хүрэл медалийг хүртэж байна. Өнөөдөр буюу наймдугаар сарын 17-нд Улаанбаатарын цагаар 08:20цагт боксын эрэгтэйчүүдийн 60кг-ийн жингийн медальтангууд эх орныхоо далбааг мандууллаа. Манай тамирчин Д.Отгондалай хүрэл медаль авч, мөнгөн медалийг Франц улсын тамирчин Софьян Умиа хүртсэн бол. Алтан медалийг Бразил улсын тамирчин авсан аж.
