МУГТ Ц.Нацагдорж хүнд өвчнөөр өвчилж эмчилгээний төлбөртөө хандив тусламж хүсч байгаа тухай саяхан мэдээллийн хэрэгсэлүүд мэдээлж байсан. Гавьяат тамирчин маань өдгөө Хөх хотод эмчүүлж байгаа аж. Түүний шавь чөлөөт бөхийн бүх Хятадын аварга тамирчин Өвөрмонгол залуу Өлзий багшийнхаа эмчилгээний төлбөрт хандив цуглуулж эхэлжээ. Өлзийгийн санаачилгыг дэмжиж маш олон Өвөрмонголчууд Ц.Нацагдорж гавьяатад хандив илгээсээр байна. Өлзийтэй энэ талаар "Одоогийн байдлаар 65 000 гаруй юань цуглараад байна. Хандив өгөх хүмүүс цаашид ч нэмэгдэх байх" хэмээн ярьсан байна. Гавьяат тамирчинд Өвөрмонголчууд Монгол мөнгөөр 20 гаруй сая төгрөг хандивлаад байгаа нь энэ аж. Тэрээр ирэх 7 хоногт хагалгаанд орох гэнэ.
МУГТ Ц.Нацагдоржид Өвөрмонголчууд 20 гаруй сая төгрөгийн хандив өргөжээ
2015-12-06 15:07:00