Боксын олимпийн эрх олгох “Баку-2016” олон улсын тэмцээн Азербайжан улсад энэ сарын 16-25-ны өдрүүдэд амжилттай болж өндөрлөлөө. "Рио-2016"-гийн эрх олгох хамгийн сүүлчийн тус тэмцээн 49 кг-д хоёр, -91, +91 кг-д тус бүр нэг, 52 кг-аас 81 кг-д тус бүр тав, олимпийн нийт 39 эрх олгосон байна. "Баку-2016"-д манай улсаас эрэгтэйчүүдийн үндэсний шигшээ багийн ахлах дасгалжуулагч Д.Батсүрэн, туслах дасгалжуулагч Б.Эрдэнэбаяр нарын удирдлага дор 52 кг-д Х.Энх-Амар, 56 кг-д Э.Цэндбаатар, 75 кг-д Н.Шинэбаяр, 81 кг-д С.Эрдэнэбаяр нар оролцож, олимпийн хоёр эрх, мөнгө, хүрэл медаль тус бүр нэгийг хүрсэн амжилт үзүүллээ.
